«ԱրմենՏել» ընկերության պատվերով MediaBrand գործակալությունը 2007թ. հունիսի 1-ին Հայաստանի Մանկական ստեղծագործության թանգարանում կազմակերպեց «Կապը վառ մանկական գույներով» ցուցահանդեսը՝ նվիրված Երեխաների պաշտպանության միջազգային օրվան:

Ցուցահանդեսի կազմակերպման գաղափարը MediaBrand գործակալության մոտ ծնվել էր 2007թ. ապրիլին եւ ներկայացվել «ԱրմենՏել» ՓԲԸ քննարկմանը ընկերության հասարակական կերպարի շտկմանն ուղղված միջոցառումների շրջանակներում: «ԱրմենՏելի» կողմից գաղափարի հաստատումից հետո MediaBrand գործակալությունը սկսեց ծրագրի գործնական իրականացումը:

MediaBrand-ի աշխատակիցները մի շարք հանդիպումներ անցկացրեցին ՀՀ էսթետիկ դաստիարակության ազգային կենտրոնի Կերպարվեստի եւ դեկորատիվ-կիրառական արվեստի ստուդիա-քոլեջում սովորող երեխաների հետ: Երեխաներին առաջարկվեց պատկերել հաղորդակցություն, կապ, ինտերնետ, սովորական եւ բջջային հեռախոսներ, «ԱրմենՏել», «Բիլայն» բառերի իրենց ընկալումը՝ օգտագործելով «ԱրմենՏել» (կարմիր) եւ «Բիլայն» (դեղին-սեւ գծեր) ընկերություններին բնորոշ գույները:  

Նախագծի մասնակիցները՝ 6-14 տարեկան երեխաները, նկարեցին ավելի քան 100 պատկերներ, որոնցից ցուցահանդեսի համար ընտրվեցին 50-ը:  

«Կապը վառ մանկական գույներով» ցուցահանդեսը հասարակական մեծ արձագանք ստացավ եւ լայնորեն լուսաբանվեց ՀՀ առաջատար էլեկտրոնային եւ տպագիր ԶԼՄ-ների կողմից: «ԱրմենՏել» ՓԲԸ հանձնարարությամբ MediaBrand գործակալությունը ձեռք բերեց եւ Ստուդիա-քոլեջին նվիրեց տարբեր ներկերի, կտավների, վրձինների, մատիտների եւ այլ նյութերի մեծ հավաքածու: