МеdiaBrand գործակալությունը հանդես եկավ որպես 2006թ. Ռուսաստանի Դաշնությունում Հայաստանի Տարվա պաշտոնական PR- եւ ինֆորմացիոն գործընկեր:

Անկախության հռչակման 15-րդ տարեդարձին Հայաստանը հնարավորություն ստացավ իր մշակութային հարուստ ավանդույթները ներկայացնել Ռուսաստանում:  

Հայաստանի Տարվա անցկացումը չսահմանափակվեց միայն Մոսկվայով եւ Սանկտ-Պետերբուրգով. տարվա ընթացքում Հայաստանի Օրեր կազմակերպվեցին Սամարայի, Աստրախանի, Սվերդլովսկի, Կեմերովոյի, Ռոստովի, Պերմի մարզերում եւ Կրասնոդարի երկրամասում:  

2006թ. ընթացքում МеdiaBrand գործակալությունը կազմակերպեց հայաստանյան լրագրողների մի քանի այցելություններ Ռուսաստանի Դաշնություն, անցկացրեց մի շարք մամուլի ասուլիսներ, թողարկեց «ՌԴ-ում Հայաստանի Տարվա տեղեկագրի» 4 համարներ, ինչպես նաեւ Տարվա արդյունքներին նվիրված գունավոր տեղեկատու՝ «Հայաստանի դասերը» վերնագրով: Տեղեկատուի մեջ ընդգրկվեց Ռուսաստանում Հայաստանի Տարվա շրջանակներում կայացած բոլոր առավել կարեւոր իրադարձությունների նկարագրությունը, ինչպես նաեւ վերահրատարակվեց Անդրեյ Բիտովի «Հայաստանի դասերը» գիրքը: