2011թ. հունիսին Երեւանի քաղաքապետարանի պատվերով Մեդիաբրենդը իրականացրեց «Երեւանը իմ տունն է» սոցիալական արշավը:

Արշավի հիմնական նպատակն էր հորդորել Երեւանի բնակիչներին ավելի ուշադիր լինել մայրաքաղաքի հանդեպ, հոգ տանել նրա մաքրության մասին:

«Երեւանը իմ տունն է» նախագծի համար նկարահանվեցին երեք տեսահոլովակներ, որոնց հերոսներն են երգիչներ Արամոն եւ Ֆորշը: Հոլովակներում նրանք կերպարանափոխված են ու հանդես են գալիս Երեւանի մաքրությամբ զբաղվող մարդկանց դերում: Արամոն ու Ֆորշը համարվում են «երեւանյան քաղաքային մշակույթի» կրողները եւ հենց դրանով էր պայմանավորված նրանց կերպարների ընտրությունը:

Տեսահոլովակներում հնչում է Առնո Բաբաջանյանի երաժշտությունը, որը լավագույն կերպով արտացոլում է Երեւանի աուրան: